മക്കൾ ലഹരിയിലേക്കോ? ലക്ഷണങ്ങളും ചെയ്യേണ്ടതും

2024-ൽ NDPS നിയമപ്രകാരം 27,701 കേസുകളാണ് കേരളത്തിൽ രജിസ്റ്റർ ചെയ്തത്: രാജ്യത്ത് ഏറ്റവും കൂടുതൽ. ഇതിൽ വലിയൊരു ഭാഗം യുവാക്കളാണ്. നേരത്തെ ശ്രദ്ധിച്ചാൽ തിരിച്ചു കൊണ്ടുവരാൻ എളുപ്പമാണ്.

ശ്രദ്ധിക്കേണ്ട മാറ്റങ്ങൾ

• ഉറക്കത്തിലും ഭക്ഷണത്തിലും പെട്ടെന്നുള്ള മാറ്റം
• കൂട്ടുകാർ പെട്ടെന്ന് മാറുക, ആരെയും പരിചയപ്പെടുത്താതിരിക്കുക
• പഠനത്തിൽ പെട്ടെന്നുള്ള തകർച്ച, ക്ലാസ് മുടക്കൽ
• വീട്ടിൽ നിന്ന് പണമോ സാധനങ്ങളോ കാണാതാകുക
• അകാരണമായ ദേഷ്യം, മുറി അടച്ചിരിക്കൽ, ഫോണിൽ രഹസ്യം
• ചുവന്ന കണ്ണുകൾ, അസാധാരണ മണം, കൈകളിൽ പാടുകൾ

ഇവയിൽ ചിലത് കൗമാരത്തിന്റെ സാധാരണ മാറ്റങ്ങളുമാകാം. ഒന്നിലധികം ലക്ഷണങ്ങൾ ഒരുമിച്ച് കണ്ടാൽ ശ്രദ്ധിക്കുക.

ചെയ്യേണ്ടത്

• ശാന്തമായി, ഒറ്റയ്ക്ക് സംസാരിക്കുക. കുറ്റപ്പെടുത്തലല്ല, ആശങ്കയാണ് പറയേണ്ടത്
• അടിക്കുകയോ വീട്ടിൽ പൂട്ടിയിടുകയോ ചെയ്യരുത്; അത് കൂടുതൽ അകറ്റും
• അധ്യാപകരോടും ഡോക്ടറോടും സംസാരിക്കാൻ മടിക്കരുത്
• ലഹരി ഒരു രോഗമാണ്; ചികിത്സയുണ്ട്, രോഗമുക്തിയും ഉണ്ട്

സഹായം എവിടെ?

• വിമുക്തി (എക്സൈസ് വകുപ്പ്): 14405
• ടെലി-മനസ് (മാനസികാരോഗ്യം): 14416
• ദിശ: 1056
• താലൂക്ക് ആശുപത്രികളിലെ ലഹരി വിമുക്തി കേന്ദ്രങ്ങൾ

ആരോഗ്യ ഭാരതി കേരളം സ്കൂളുകളിലും റസിഡന്റ്സ് അസോസിയേഷനുകളിലും രക്ഷിതാക്കൾക്കായി ക്ലാസുകൾ നടത്തുന്നു. നിങ്ങളുടെ സ്കൂളിൽ വേണമെങ്കിൽ അഭ്യർത്ഥിക്കൂ.